اسلام آباد (پاک صحافت) وفاقی وزیر مملکت سینیٹر طلال چوہدری نے کہا ہے کہ سائنس اینڈ ٹیکنالوجی کا وزیر بننے کے لیے کسی کا سائنسدان ہونا ضروری نہیں۔
تفصیلات کے مطابق طلال چوہدری نے کہا ہے کہ وزیر داخلہ محسن نقوی ہیں اور پرویز خٹک امور داخلہ کے مشیر ہیں۔ اتحادی حکومت ہے سب چاہتے ہیں کہ ہم خیال طاقتیں ساتھ چلیں، کسی کو نوازنے کےلیے نہیں، ضرورت کے مطابق کابینہ میں توسیع کی گئی۔
ذرائع کے مطابق طلال چوہدری کا مزید کہنا تھا کہ تجربہ کار افراد کو ٹیکنوکریٹ کے طور پر شامل کیا جاتا ہے، وزیراعظم شہباز شریف کا اختیار ہے کہ وہ ٹیم میں تبدیلی کریں۔ علیم خان نے مشاورت کے بعد دوسرے قلمدان خود چھوڑے، سائنس اینڈ ٹیکنالوجی کا وزیر بننے کے لیے کسی کا سائنسدان ہونا ضروری نہیں۔
انہوں نے کہا کہ یہ نہیں ہوسکتا کہ ملک سے باہر چھوڑے لوگ کچھ بھی بیان جاری کریں، اپنے بیانات تسلیم کریں یا یہ پھر پارٹی اکاؤنٹس نہیں ہونے چاہئیں۔