اسلام آباد (پاک صحافت) وفاقی وزیر منصوبہ بندی احسن اقبال نے کہا ہے کہ رمضان المبارک میں 30 لاکھ مستحق خاندانوں کو ریلیف پیکیج دیا گیا۔
تفصیلات کے مطابق اسلام آباد میں پریس کانفرنس کرتے ہوئے احسن اقبال نے کہا کہ ڈیجیٹل پاکستان کے وژن کے تحت والٹ کے ذریعے ادائیگی کی گئی۔ انہوں نے کہا کہ پروگرام کے تحت 19 لاکھ ڈیجیٹل ٹرانزیکشنز ہوئیں، ڈیجیٹل نظام کے ذریعے شفافیت کو بھی یقینی بنایا گیا اور مستحق خاندانوں کو براہِ راست رقم ادا کی گئی۔
وفاقی وزیر احسن اقبال نے کہا کہ پبلک پرائیویٹ سیکٹر نے اہم کردار ادا کیا ہے۔ ان کا کہنا ہے کہ اسٹیٹ بینک آف پاکستان اور دیگر بینکوں نے مل کر اس پروگرام پر کام کیا اور ڈیجیٹل پروگرام کے ذریعے شفافیت کو یقینی بنایا۔
Short Link
Copied