paksahafat پاک صحافت
Related Articles
لاہور (پاک صحافت) عظمی بخاری نے کہا ہے کہ ذخیرہ اندوزوں اور منافع خوروں کے ساتھ پی ٹی آئی حکومت بے بس ہے۔ جبکہ عوام کی آنکھوں میں دھول جھونکنے کے لئے جعلی فوٹو سیشن کئے جاتے ہیں۔
تفصیلات کے مطابق مسلم لیگ ن کی رہنما عظمی بخاری نے ایک بیان جاری کرتے ہوئے کہا ہے کہ رمضان المبارک سے قبل ہی مہنگائی کو پر لگ گئے ہیں۔ ضرورت کی اشیاء عوام کی پہنچ سے دور ہیں۔ پنجاب میں آٹے اور گندم کا بحران دوبارہ آنے والا ہے سینیٹ الیکشن کے بعد چینی مافیا پھر سرگرم ہو چکا ہے۔
عظمی بخاری کا مزید کہنا ہے کہ عمران خان نے پرائس کنٹرول کمیٹیوں کا خاتمہ صرف اپنے مافیا کو تحفظ فراہم کرنے کے لیے کیا۔ اس سیزن میں پنجاب کے عوام دوبارہ گندم اور آٹے بحران کے لیے تیار ہوجائیں۔ حکومت جان بوجھ کر اپنے بندوں کو منافع دینے کے لئے عوامی حقوق پر ڈاکہ ماررہی ہے۔
Short Link
Copied
