اسلام آباد (پاک صحافت) وزیراعظم شہباز شریف کا کہنا ہے کہ دہشتگردی کے خلاف جنگ میں پوری قوم نڈر جوانوں کے ساتھ کھڑی ہے۔
تفصیلات کے مطابق وزیراعظم شہباز شریف نے لکی مروت میں پاک فوج کے کیپٹن فراز الیاس سمیت 7 اہلکاروں کی شہادت پر رنج و الم کا اظہار کرتے ہوئے شہداء کے اہل خانہ کے لیے صبر جمیل کی دعا کی۔
انھوں نے کہا کہ پوری قوم قانون نافذ کرنے والے اداروں کو ان کی خدمات پر سلام پیش کرتی ہے، دہشتگردی کے خلاف جنگ میں پوری قوم نڈر جوانوں کے ساتھ کھڑی ہے۔
وزیراعظم شہباز شریف کا مزید کہنا تھا کہ ہم دہشتگردوں کو کیفر کردار تک پہنچا کر دم لیں گے، ارض پاک سے دہشتگردی کے مکمل خاتمے تک دہشتگردوں کے خلاف ہماری جنگ جاری رہے گی۔
Short Link
Copied