دہشتگردی نے بہت تیزی سے سر اٹھایا، ہر روز افسر اور جوان قربانیاں دے رہے ہیں، وزیراعظم

اسلام آباد (پاک صحافت) وزیراعظم شہباز شریف نے کہا ہے کہ دہشت گردی نے بہت تیزی سے سر اٹھایا ہے، ہر روز سیکیورٹی فورسز کے افسر اور جوان قوم کیلئے قربانیاں دے رہے ہیں۔

تفصیلات کے مطابق کابینہ اجلاس سے خطاب کرتے ہوئے وزیراعظم شہباز شریف نے کہا کہ جب تک مکمل امن قائم نہیں ہوگا تب تک ترقی کا خواب شرمندہ تعبیر نہیں ہوگا۔ وزیراعظم نے اس دوران یہ بھی کہا کہ 190 ملین پاؤنڈز کی رقم سے اسلام آباد میں دانش یونیورسٹی بنائیں گے۔

واضح رہے کہ وزیراعظم نے 190 ملین پاؤنڈز کی رقم وفاقی حکومت کو منتقلی پر چیف جسٹس آف پاکستان کا شکریہ ادا کیا۔