paksahafat پاک صحافت
Related Articles
خیرپور (پاک صحافت) دریائے سندھ میں خیرپور میں قریب سیلابی ریلے سے 100 سے زائد دیہات زیرِ آب آ گئے جبکہ کچے کے علاقے میں نوجوان سیلابی ریلے میں بہہ کر جاں بحق ہوگیا۔
تفصیلات کے مطابق سیلابی ریلوں کے باعث بندوں پر دباؤ بڑھ گیا اور مزید کئی بندوں میں شگاف پڑنے سے 100 سے زائد دیہات زیرِ آب آ گئے ہیں۔ ہزاروں ایکڑ پر گنے، کپاس اور سبزیوں کی فصلیں بھی زیرآب آگئیں جبکہ کشتی نہ ہونے کی وجہ سے محفوظ مقام پر منتقلی میں شدید مشکلات کا سامنا ہے۔
متاثرین کے مطابق لوگ پانی میں پھنسے ہوئے ہیں فوری ہمیں ریسکیو کیا جائے، سیلابی پانی کے باعث لاشوں کی تدفین میں بھی شدید دشواری کا سامنا ہے۔ ورثا کے مطابق گاؤں لعل بخش کنبھر کے رہائشی نوجوان محبوب گلال سیلابی پانی میں ڈوب کر جاں حق ہوگیا۔ علاقہ مکین اپنی مدد آپ کے تحت لاش کو پانی سے نکال لیا۔
دریائے سندھ میں پانی کی سطح مسلسل بلند ہو رہی ہے جس کی وجہ سے کپاس اور دیگر فصلیں بھی زیرِ آب آگئیں اور لوگوں نے محفوظ مقامات کی طرف نقل مکانی شروع کردی ہے۔
متاثرین نے مطالبہ کیا ہے کہ سیلاب سے متاثرہ علاقوں میں پھنسے لوگوں کو وہاں سے نکالنے کے لیے اقدامات کیے جائیں۔
