کراچی (پاک صحافت) حکومت پاکستان نے جذبہ خیرسگالی کے تحت 200 بھارتی ماہی گیروں کی رہائی کا فیصلہ کیا ہے۔
تفصیلات کے مطابق بھارتی ماہی گیروں کو پاکستانی سمندری حدود کی خلاف ورزی پر گرفتار کیا گیا تھا۔ وزارت داخلہ کے ذرائع کے مطابق بھارتی ماہی گیروں کو 12 مئی کو ڈسٹرکٹ جیل ملیر سے رہا کیے جانے کا امکان ہے۔
یاد رہے کہ بھارتی ماہی گیروں کی جانب سے پاکستانی سمندری حدود کی خلاف ورزی روز کا معمول ہے جس کے نتیجے میں ان ماہی گیروں کو گرفتار کیا جاتا ہے جبکہ قانونی مراحل طے کرنے کے بعد انہیں جذبہ خیر سگالی کے تحت رہا کردیا جاتا ہے۔
Short Link
Copied