اسلام آباد (پاک صحافت) محمد اورنگزیب کا کہنا ہے کہ حکومت الیکٹرک گاڑیوں کے ذریعے گرین ٹیکنالوجی کے فروغ کیلئے پرعزم ہے۔
تفصیلات کے مطابق بین الاقوامی کار کمپنی کی لانچنگ تقریب سے خطاب کرتے ہوئے وفاقی وزیر خزانہ محمد اورنگ زیب نے کہا ہے کہ نئی ملازمتوں کے مواقع اور آٹوموٹو سیکٹر میں تکنیکی ترقی کو فروغ ملے گا، پاکستان کی برآمدی صلاحیت میں بھی اضافہ ہوسکتا ہے۔
محمد اورنگزیب کا مزید کہنا تھا کہ الیکٹرک گاڑیوں کی ابھرتی مارکیٹ ہائی ٹیک برآمدات میں اضافے کا باعث بنے گی جبکہ تجارتی خسارے میں کمی کے لیے بھی یہ ایک اہم قدم ہوگا۔
انہوں نے کہا کہ حکومت اور صنعتی شراکت داروں کو مل کر ایسی جدتوں کو متعارف کرانا ہوگا۔ آنے والے برسوں میں پائیدار ترقی اور استحکام میں مدد ملے گی۔
Short Link
Copied