لاہور (پاک صحافت) چیئرمین پاکستان علما کونسل حافظ طاہر اشرفی نے کہا کہ حج ٹور آپریٹرز اللہ کے مہمانوں کی زیادہ سے زیادہ خدمت یقینی بنائیں۔
تفصیلات کے مطابق تقریب سے خطاب کرتے ہوئے حافظ طاہر اشرفی نے کہا کہ اس سال ایک کروڑ 80 لاکھ لوگوں نے عمرہ کیا ہے، سعودی حکومت عازمین کے لیے بہترین اقدامات یقینی بنا رہی ہے۔
ذرائع کے مطابق حافظ طاہر اشرفی نے کہا کہ عازمین کے لیے خدمت کا اعلیٰ معیار یقینی بنائیں گے، سعودی قوانین اور نظام کے تحت اقدامات یقینی بنانا ہوں گے۔
چیئرمین پاکستان علما کونسل کا کہنا تھا کہ حکومت عازمین حج کو ہر ممکن سہولیات فراہم کرے گی۔