اسلام آباد (پاک صحافت) الیکشن کمیشن کی جانب سے پشاور کے سیاسی جلسے میں سرکاری وسائل کے استعمال پر عمران خان کو شوکاز نوٹس جاری کردیا گیا۔
تفصیلات کے مطابق الیکشن کمیشن نے چیئرمین پی ٹی آئی عمران خان سمیت جلسے میں شرکت پر وزیراعلی کے پی محمود خان کو بھی نوٹس جاری کیا ہے، اس کے ساتھ ہی صوبائی وزرا تیمور سلیم جھگڑا، اشتیاق ارمڑ، کامران بنگش کو بھی نوٹسز جاری کیے گئے ہیں۔
ذرائع کے مطابق صوبائی وزرا شوکت یوسفزئی، انور زیب، محمد اقبال کو بھی نوٹس جاری کیا گیا، مشیر خلیق الرحمان اور معاون خصوصی وزیر زادہ کو بھی نوٹس جاری کیا گیا۔ الیکشن کمیشن نے عمران خان کو 9 ستمبر کو ذاتی حیثیت یا وکیل کے ذریعے پیش ہونے کی ہدایت کی ہے۔
Short Link
Copied