paksahafat پاک صحافت
Related Articles
لاہور (پاک صحافت) مریم اورنگزیب کا کہنا ہے کہ جس وزیراعظم سے حکومت نہیں چلتی اسے گھر جانا چاہئے۔ تاکہ اس کی اور ملک کی عزت بچ جائے۔ نااہلی اور نالائقی کے ذریعے ملک تباہ کرنے نہیں دیں گے۔
تفصیلات کے مطابق مسلم لیگ ن کی رہنما مریم اورنگزیب نے احتساب عدالت لاہور کے باہر ذرائع ابلاغ کے نمائندوں سے بات چیت کرتے ہوئے کہا ہے کہ نااہلوں نے تمام قومی اداروں کو برباد کیا ہوا ہے۔ جبکہ غلط پالیسیوں کی وجہ سے عوام کو مزید آزمائش و امتحان میں ڈال رہے ہیں۔
مریم اورنگزیب کا مزید کہنا ہے کہ عوام کو جھوٹے خواب دکھانے والے اب کس منہ سے عوام کے سامنے پیش ہورہے ہیں۔ احتساب عدالت کے باہر پولیس نے مریم اورنگزیب کو روکا تو انہوں نے کہا کہ مجھے عدالت کے باہر روکا گیا عدالت میں آنے نہیں دے رہے تھے،جبکہ کوئی قانون عوامی مقام پر آنے سے نہیں روک سکتا۔
Short Link
Copied
