توانائی کے حوالے سے اچھی خبر ہے جو جلد دیں گے، وزیرِ اعظم شہباز شریف

اسلام آباد (پاک صحافت) وزیرِ اعظم میاں محمد شہباز شریف نے کہا ہے کہ توانائی کے حوالے سے اچھی خبر ہے جو جلد دیں گے۔

تفصیلات کے مطابق وفاقی کابینہ کے اجلاس میں گفتگو کرتے ہوئے انہوں نے کہا کہ سردیوں میں ایک پیکج لارہے ہیں، شرح سود میں بتدریج کمی آرہی ہے۔ انہوں نے کہا کہ انشا اللہ معیشت اچھے طریقے سے آگے بڑھے گی، پاکستان کا وفد سعودی عرب روانہ ہوگیا ہے۔ پاکستان کا وفد آئی ٹی، معدنیات اور توانائی کے شعبے پر بات کرے گا۔

وزیرِ اعظم شہباز شریف نے کہا کہ میں نےسعودی عرب کا دورہ کیا تھا، محمد بن سلمان سے گفتگو ہوئی، انہوں نے پاکستان کے لیے نیک خواہشات کا اظہار کیا تھا۔ شہباز شریف نے کہا کہ وہی قومیں آگے بڑھتی ہیں جو کمر کس لیتی ہیں۔