کراچی (پاک صحافت) گورنر سندھ کامران ٹیسوری کا کہنا ہے کہ تعلیمی مسائل حل کرنے کیلئے ہر ممکن اقدامات کئے جائیں گے۔
تفصیلات کے مطابق گورنر سندھ کامران خان ٹیسوری سے گریجویٹس فورم کے صدر عبدالقادر خانزادہ کی گورنر ہاوس میں ملاقات ہوئی ہے۔ ملاقات کے دوران صوبے میں تعلیم کے فروغ، سماجی شعبہ کی ترقی، نوجوانوں کو آگے بڑھنے کے مواقعوں کی فراہمی اور باہمی دلچسپی کے دیگر امور پر تبادلہ خیال کیا گیا۔
اس موقع پر عبدالقادر خانزادہ نے کہا کہ یونیورسٹی کا قیام حیدرآباد کے شہریوں کا دیرینہ مطالبہ ہے اور اس ضمن میں گورنر سندھ کی دلچسپی خوش آئند ہے۔ گورنر سندھ کامران ٹیسوری کا کہنا تھا کہ صوبے کے تعلیمی مسائل حل کرنے کے لئے ہر ممکن اقدامات کئے جائیں گے اور سندھ پبلک سروس میں جلد خالی اسامیوں پر ممبرز کو تعینات کیا جائے گا۔
Short Link
Copied