تحریک انصاف ہٹ دھرم جماعت ہے، قائل نہیں کیا جاسکتا۔ گورنر پنجاب

لاہور (پاک صحافت) گورنر پنجاب کا کہنا ہے کہ اپوزیشن کو پھربھی سمجھانے کی کوشش کریں گے لیکن تحریک انصاف ہٹ دھرم جماعت ہے، قائل نہیں کیا جاسکتا۔

تفصیلات کے مطابق گورنر پنجاب سردار سلیم حیدر نے میڈیا سے گفتگو میں کہا کہ میں پاکستان پیپلز پارٹی کا عام ورکر ہوں، میری کوشش ہوگی گورنر ہاؤس عام لوگوں کےلئےکھلا ہو، قائد ذوالفقار بھٹو کا جو مشن اس کو جاری رکھے گے۔

گورنر پنجاب کا مزید کہنا تھا کہ ن لیگ اور پیپلز پارٹی کی اتحادی حکومت ہے سیاسی استحکام سب جماعتوں کے ملنے سے آئے گا، لیکن ایک پارٹی ہٹ دھرمی پرقائم ہے انھیں قائل نہیں کیا جاسکتا۔

انھوں کا کہنا تھا کہ کسان گندم کی فروخت کے لئےخوار ہورہا ہے، پنجاب کا کسان مشکلات میں ہے وزیراعلیٰ سےبات کرونگا، کسان کا خیال کرنا پنجاب حکومت اورمیری ذمہ داری ہے۔