کوئٹہ (پاک صحافت) قانون نافذ کرنے والے اداروں نے انٹیلیجنس پر مبنی کامیاب آپریشن کرکے کئی خطرناک دہشت گرد پکڑ لئے۔
ابتدائی تفتیش کے مطابق نیٹ ورک کے تانے بانے اندرونی و بیرونی دہشتگروں سے ملتے ہیں۔ پکڑے گئے کمانڈر مختلف علاقوں میں دہشتگردی کی کارروائیوں میں ملوث ہیں۔ انٹیلیجنس پر مبنی کامیاب آپریشن میں کئی خطرناک دہشت گرد بھی پکڑے گئے ہیں جن سے مزید تفتیش جاری ہے۔
ذرائع کے مطابق ملک میں موجود مختلف دہشتگردوں کے گٹھ جوڑ کے بارے میں اہم راز افشاں ہونے کی توقعات ہیں۔
کامیاب انٹیلیجنس آپریشن کا مقصد ہائی ویلیو اہداف کو حراست میں لینا اور اُنکے مذموم مقاصد کو ناکام بنانا ہے۔ دہشتگردوں کی گرفتاری قانون نافذ کرنے والے اداروں کی پیشہ وارانہ مہارت اور ریاست کے عزم کا منہ بولتا ثبوت ہے۔