کراچی (پاک صحافت) بلاول بھٹو زرداری نے صحافی خلیل جبران کے قتل کی مذمت اور قاتلوں کی گرفتاری کا مطالبہ کیا ہے۔
تفصیلات کے مطابق پی پی پی کے چیئرمین بلاول بھٹو زرداری نے لنڈی کوتل پریس کلب کے سابق صدر اور نجی ٹی وی کے صحافی خلیل جبران کے بہیمانہ قتل پر شدید مذمت کرتے ہوئے گہرے دکھ اور افسوس کا اظہار کیا۔
اپنے بیان میں انہوں نے کہا کہ خلیل جبران کے قتل میں ملوث ملزمان کو فوری گرفتاری کیا جائے اور خیبرپختونخوا کی حکومت سے مطالبہ کیا کہ وہ صوبے میں صحافیوں کے تحفظ کو یقینی بنائے۔
پی پی پی کے چیئرمین بلاول بھٹو نے شہید صحافی خلیل جبران کے درجات کی بلندی کے لیے دعا کی اور کہا میں سوگوار خاندان کے غم میں برابر کا شریک ہوں، اللہ تعالیٰ انہیں صبر جمیل عطا فرمائے۔
Short Link
Copied