اسلام آباد (پاک صحافت) وزیر خارجہ اور پیپلزپارٹی کے چیئرمین بلاول بھٹو نے صرف ایک گھنٹے میں سیلاب زدگان کی امداد کے لئے ایک کھرب 30 ارب روپے جمع کرلئے۔
تفصیلات کے مطابق امریکہ نے وزیر خارجہ بلاول بھٹو زرداری کی اپیل کے بعد پاکستان کو ساڑھے چھ ارب روپے کی امداد دی جبکہ بلاول بھٹو زرداری کی اپیل پر ورلڈ بینک، ایشین ڈویلپمنٹ بینک، عالمی ادارہ صحت، یونیسف، ہلال احمر، ریڈ کراس سمیت اقوام متحدہ کے رکن ممالک نے مثبت ردعمل دیا ہے۔
وزیر خارجہ بلاول بھٹو زرداری کی اپیل پر اقوام متحدہ کے رکن ممالک سمیت مختلف عالمی اداروں کی جانب سے پاکستان کی امداد کا سلسلہ جاری ہے۔ ان کی اپیل کے بعد فوری طور پر چین، ترکیہ، امریکہ، برطانیہ، آذر بائیجان، سعودی عرب، قطر، کویت، متحدہ عرب امارات اور دیگر ممالک نے فوری امداد کا اعلان کیا۔ وزیر خارجہ کی اپیل پر اقوام متحدہ کے رکن ممالک نے نقد امداد کے علاوہ ٹینٹ، ادویات، کھانے پینے کی اشیاء سمیت دیگر اہم امدادی سامان کی بھی امداد کی ہے۔