اسلام آباد (پاک صحافت) وفاقی وزیر خارجہ بلاول بھٹو زردداری سے امریکی وزارت خارجہ کے سینئر عہدیدار ڈیرک شولے نے ملاقات کی، ملاقات کے دوران ڈیرک شولے نے پشاور دھماکے پر افسوس کا اظہار کیا۔
تفصیلات کے مطابق واشنگٹن میں قائم پاکستانی سفارت خانے میں وزیر خارجہ بلاول بھٹو زرداری سے ہوئی ملاقات میں امریکی وزارت خارجہ کے سینئر عہدیدار ڈیرک شولے نے پشاور مسجد میں خودکش حملے سے جانوں کے نقصان پر تعزیت کا اظہار کیا۔
واضح رہے کہ ڈیرک شولے نے کہا کہ انسداد دہشت گردی کے لئے امریکہ پاکستان کے ساتھ کھڑا ہے۔ خیال رہے کہ اس موقع پر دونوں رہنماؤں نے پاکستان کے معاشی استحکام اور سیلاب سے متاثرہ افراد کی بحالی کی جانب پیش رفت پر بھی تبادلہ خیال کیا۔
Short Link
Copied