اسلام آباد (پاک صحافت) طلال چوہدری کا کہنا ہے کہ بشری بی بی کی صحت ہشاش بشاش اور بہترین ہے اور ان کو کوئی تکلیف نہیں۔
تفصیلات کے مطابق میڈیا سے گفتگو کرتے ہوئے مسلم لیگ (ن) کے رہنما طلال چوہدری نے کہا ہے کہ پلاٹ، ہیرے، 190 ملین پاونڈز کی رقم جو پاکستان تحریک انصاف (پی ٹی آئی) والوں نے ہضم کی وہ ہو نہیں پا رہی ہے اور پی ٹی آئی اس معاملے کو بڑھا چڑھا کے پیش کرنا چاہتی ہے۔
طلال چوہدری کا مزید کہنا تھا کہ اگر بشری بی بی سمجھتی ہیں کہ ان کی صحت اس 300 کنال میں ٹھیک نہیں تو انہیں عمران خان کی طرح اڈیالہ بھیج دیں تاکہ انہیں بھی دیسی مرغی کھلائی جائے، ورزش کروائی جائے۔
رہنما مسلم لیگ (ن) کا کہنا تھا کہ جب ان کو جیل نہیں جانا، چوری کے باوجود اپنی گھر اور محل میں رہنا ہے، اپنی مرضی کا کھانا کھانا ہے اور چوری نا کرنے کا کوئی ثبوت بھی نہیں دینا تو صحت کا بہانا بنا کر کسی طرح ضمانت کروانے کا بہانہ ہی بنایا جاسکتا ہے۔