بشریٰ بی بی کے چیک اپ کے بعد واضح ہوگیا دونوں میاں بیوی عادتاً جھوٹے ہیں، عظمیٰ بخاری

عظمی بخاری

لاہور (پاک صحافت) وزیر اطلاعات پنجاب عظمیٰ بخاری نے کہا ہے کہ پمز اسپتال کے چار سینیئر ڈاکٹروں نے بشریٰ بی بی کا تفصیلی میڈیکل چیک اپ کیا جس میں زہر دینے یا کھانے میں ٹوائلٹ کلینر کے قطرے ملانے کے کوئی شواہد نہیں ملے۔

صوبائی وزیراطلاعات پنجاب کا کہنا تھا کہ بشریٰ بی بی کو شکایت تھی کھانے میں مرچیں زیادہ تھیں۔ انہوں نے کہا کہ بشریٰ بی بی اور بانی پی ٹی آئی نے الگ الگ بیانات دے کر خود کو مشکوک اور جھوٹا ثابت کیا ہے، میڈیکل ٹیم کے چیک اپ کے بعد یہ واضح ہوگیا ہے کہ دونوں میاں بیوی عادتاً جھوٹے ہیں۔

ان کا کہنا تھا کہ آپ دونوں میاں بیوی شاہانہ انداز میں شاہی جیل کاٹ رہے ہیں، دونوں میاں بیوی کا جھوٹ 24 گھنٹوں میں ہی بے نقاب ہوگیا۔ واضح رہے کہ اسلام آباد کی پمز اسپتال کے ڈاکٹروں کی ٹیم کے بشریٰ بی بی کے طبی معائنے کی رپورٹ سامنے آ گئی ہے جس میں انہوں نے بانی پی ٹی آئی عمران خان کی اہلیہ بشریٰ بی بی کی صحت کو تسلی بخش قرار دیا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے