پشاور (پاک صحافت) سابق صوبائی وزیر اور جے یو آئی (ف) کے رہنما رحمت سلام خٹک نے اپنے دوستوں سمیت مسلم لیگ (ن) میں شمولیت کا اعلان پشاور میں وفاقی وزیر اور صدر مسلم لیگ (ن) خیبر پختونخوا انجینئر امیر مقام کی پریس کانفرنس کے دوران کیا۔
تفصیلات کے مطابق پریس کانفرنس سے خطاب کرتے ہوئے انجینئر امیر مقام نے کہا ہے کہ صوبے کے عوام کو بہتر خدمات فراہم کرنے کے منتظر ہیں۔ مسلم لیگ (ن) کی حکومت ملک کو معاشی اور دیگر بحرانوں سے نکالنے کے لیے پرعزم ہے۔ حکومت کی مضبوط پالیسیوں کی وجہ سے معیشت استحکام کی راہ پر گامزن ہے۔
امیر مقام کا مزید کہنا تھا کہ عوام کو ریلیف فراہم کرنے کے لیے بھی اقدامات کیے جا رہے ہیں۔بدقسمتی سے کے پی حکومت نے صوبے کی ترقی کے لیے کچھ نہیں کیا۔ کے پی کے وزیراعلی دوسرے صوبوں کا مقابلہ کریں تو اچھا ہوگا لیکن ان کی ترجیح ترقی اور خوشحالی نہیں ہے۔
انہوں نے کہا کہ ہم نے پی ڈی ایم حکومت کے دوران ملک کو ڈیفالٹ سے بچایا۔ اور کوششوں سے ملک میں سرمایہ کاری آرہی ہے۔ سوات موٹروے کی منظوری سابق وزیراعظم محمد نواز شریف نے دی تھی اور بعد میں پی ٹی آئی نے کام روک دیا تھا۔