لاہور (پاک صحافت) عظمی بخاری کا کہنا ہے کہ بجلی کی قیمتوں میں اضافے کے ذمہ دار عمران خان ہیں۔
تفصیلات کے مطابق وزیر اطلاعات پنجاب عظمی بخاری نے کہا ہے کہ جس لیول کا ذہنی مریض آپ کا لیڈر ہے، اس سے دو ہاتھ آگےآپ ہیں۔ بجلی کی قیمتوں میں اضافے کا ذمہ دار اڈیالہ جیل میں بیٹھا قیدی ہے، اڈیالہ جیل کے قیدی نے آئی ایم ایف کے ساتھ عوام دشمن معاہدہ کیا تھا۔
عظمی بخاری کا مزید کہنا تھا کہ پاکستان میں ٹک ٹاک پر سب سے پہلے انٹرنیشنل فراڈیہ اور بہروپیا ہی آیا تھا، جن کے لیڈر نے ٹک ٹاک پر مقابلے جنت مرزا سے کیے وہ مریم نواز کو طعنے دے رہے ہیں، مریم نواز نے تین ماہ میں تعلیم سمیت تمام شعبوں میں مہنگے پروجیکٹ متعارف کروائے ہیں۔
انہوں نے کہا کہ پی ٹی آئی کے غنڈوں نے آج پھر طاہر انجم پر حملہ کیا ہے، ان کے خلاف اگر کارروائی ہوئی تو انہوں نے مگرمچھ کے آنسو بہانے ہیں، 45 ماہ جو ہٹلر پارٹ ٹو بنا رہا اس کے چیلے آج مظلومیت کا رونا رو رہے ہیں۔