بانی پی ٹی آئی کے بیانات نہیں کمیٹی کے تحریری مطالبات دیکھیں گے، عرفان صدیقی

اسلام آباد (پاک صحافت) مسلم لیگ ن کے رہنما سینٹیر عرفان صدیقی نے کہا ہے کہ بانی پی ٹی آئی کے بیانات نہیں کمیٹی کے تحریری مطالبات دیکھیں گے، کمیٹیوں نے پہلے اجلاس میں ہی خود کو بیانات سے الگ رکھنے کا فیصلہ کیا۔

تفصیلات کے مطابق مسلم لیگ ن کے رہنما سینیٹر عرفان صدیقی کا جاری بیان میں کہنا تھا کہ پی ٹی آئی جانتی ہے جیلوں سے نکلنے کا کیا قانونی طریقہ ہے، پی ٹی آئی سے بات چیت میں نوازشریف کی منظوری شامل ہے۔

انھوں نے کہا کہ کمیٹیوں کے پہلے اجلاس کے دن ہی بانی پی ٹی آئی سے ملاقات میں سہولت کا کہہ دیا تھا، آئندہ بھی مذاکراتی کمیٹی کو بانی پی ٹی آئی سے ملاقات کی سہولت دیں گے۔ سینیٹر عرفان صدیقی نے کہا کہ پاکستان کی پالیسیاں کسی رچرڈ گرینل کے ٹوئٹس پر نہیں بنتیں۔