لاہور (پاک صحافت) عظمی بخاری کا کہنا ہے کہ بانی پاکستان تحریک انصاف عمران خان اور ان کی اہلیہ بشریٰ بی بی مزے سے شاہانہ جیل کاٹ رہے ہیں۔
تفصیلات کے مطابق وزیر اطلاعات پنجاب عظمی بخاری نے کہا ہے کہ آپ کی خواہشات کے مطابق عدالتی فیصلے ہوں تو واہ واہ کرتے ہیں، عمران خان اور اہلیہ بشری بی بی کے کیس عدالتوں میں چل رہے ہیں اور جیل انتظامیہ دونوں کے ٹیسٹ کروارہی ہے
عظمی بخاری کا مزید کہنا تھا کہ کس حیثیت سے بانی پی ٹی آئی اور بشری بی بی کو خیبرپختونخوا شفٹ کریں؟ باقی قیدیوں کو بھی ان کے صوبوں میں شفٹ کردیں۔
وزیر اطلاعات نے کہا کہ انتقامی سیاست ہم نے بھگتی ہے مگر آپ کی طرح رونا دھونا نہیں کیا۔