لاہور (پاک صحافت) سپیکر پنجاب اسمبلی ملک احمد خان نے کہا ہے کہ بانی تحریک انصاف کا دورسیاہ ترین دور تھا۔
تفصیلات کے مطابق اپنے آبائی حلقے میں تقریب سے خطاب کرتے ہوئے ملک محمد احمد خان نے کہا ہے کہ ستھرا پنجاب کی ٹیم دن رات محنت کررہی ہے،قصبہ کھڈیاں میں ترقیاتی کاموں کا سلسلہ جاری ہے۔ شہروں کوصاف ستھرا رکھنے کے لیے عوام کو بھی اپنا کردار ادا کرنا ہوگا، بانی تحریک انصاف کا دور سیاہ ترین دور تھا۔
ذرائع کے مطابق سپیکر پنجاب اسمبلی ملک احمد خان کا مزید کہنا تھا کہ وزیراعلی پنجاب عوام کی خدمت کے لیے دن رات محنت کررہی ہیں، وعدہ ہےایک ایک یونین کونسل کو ماڈل بنائیں گے، ہر یونین کونسل کو بااختیار بنائیں گے۔
انہوں نے کہا کہ ہریونین کونسل میں ستھرا پنجاب کنونشن کریں گے، قصبہ جات میں بھی کنونشن کریں گے، پنجاب کو صاف ستھرا بنانے کے لیے ہم سب نے وزیراعلی پنجاب کا ساتھ دینا ہے۔