اسلام آباد (پاک صحافت) احسن اقبال کا کہنا ہے کہ ایم کیو ایم اور ن لیگ معاہدے کا مقصد عوام کے مسائل ان کی دہلیز پر حل کرنا ہے۔
تفصیلات کے مطابق مسلم لیگ ن کے رہنما رہنما احسن اقبال نے میڈیا سے گفتگو کرتے ہوئے کہا ہے کہ آج ایم کیو ایم پاکستان اور مسلم لیگ ن نے ایک یادداشت پر دستخط کیے، دونوں جماعتوں نے اقتدار کو عوام تک منتقل کرنے اور عوام کو بااختیار بنانے کے عزم کا اعادہ کیا ہے۔
احسن اقبال کا مزید کہنا تھا کہ معاہدے کا مقصد عوام کے مسائل ان کی دہلیز پر حل کرنا ہے۔ ہم ایم کیو ایم پاکستان کے ساتھ مل کر اس مقصد کے لیے جدوجہد کریں گے، اس ڈرافٹ پر قومی سطح پر اتفاق رائے بنانے کی بھر پور کوشش کریں گے۔
Short Link
Copied