paksahafat پاک صحافت
Related Articles
اسلام آباد (پاک صحافت) وزیراعظم کے حکم پر ایران اور عراق سے زائرین کی بحفاظت وطن واپسی کیلئےکمیٹی قائم کر دی گئی ہے۔
تفصیلات کے مطابق اسلام آباد میں ایران اور عراق سے زائرین کی بحفاظت وطن واپسی کیلئے وزیر اعظم کی منظوری کے بعد کابینہ ڈویژن نے کمیٹی کا نوٹیفکیشن جاری کردیا گیا ہے۔
کابینہ ڈویژن کی جانب سے جاری کر دہ نوٹیفکیشن کے مطابق کمیٹی کی سربراہی سیکرٹری وزارت مذہبی امور کریں گے، کمیٹی میں سیکرٹری داخلہ، سیکرٹری میری ٹائم افئیرز بھی شامل ہوں گے۔
وزیراعظم کی منظوری کے بعد کابینہ ڈویژن کی جانب سے جاری کر دہ نوٹیفکیشن میں لکھا گیا ہے کہ کمیٹی میں تمام صوبوں کے چیف سیکرٹریز بھی شامل ہیں، کمیٹی زائرین کی بشمول سمندری راستے بحفاظت واپسی یقینی بنائے گی۔
حکومت کی جانب سے جاری نوٹیفکیشن میں مزید لکھا گیا ہے کہ وزارت مذہبی امورسیکرٹریٹ وزیراعظم کو کمیٹی کی عملدرآمد پر رپورٹ پیش کرے گی۔
