کراچی (پاک صحافت) پاکستان پیپلز پارٹی کے رہنما و وزیر اطلاعات سندھ شرجیل انعام میمن نے پی ٹی آئی چیئرمین کو آڑے ہاتھوں لیتے ہوئے کہا کہ آپ حکومت کی شرافت کو حکومت کی کمزور سمجھ رہے ہو، آپ چاہتے ہو خون خرابہ ہو، غریب آدمی کا نقصان ہو، اگر آپ کی بدتمیزی کا جواب نہیں دے رہے تو یہ نہ سمجھیں کمزور ہیں۔
تفصیلات کے مطابق صوبائی وزیر شرجیل انعام میمن نے لاہور میں جاری سیاسی صورتحال پر ردّ عمل دیتے ہوئے اپنے ایک بیان میں کہا ہے کہ خوش فہمی میں نہ رہیں، دو چار ہزار آدمی جمع کرنا بڑی بات نہیں۔ انہوں نے کہا کہ کیا ججز کو جوڈیشل سسٹم کی دھجیاں اڑانے والے کو ریلیف دیناچاہیئے، ابھی فیصلے ہوئے نہیں، ابھی تو عدالت نے بلایا ہے۔
واضح رہے کہ صوبائی وزیر نے مزید کہا کہ ہ آپ پولیس کو زخمی کریں، آپ اسٹیٹ سے لڑنے کی کوشش کریں، آپ پیغام دے رہے ہیں کہ آپ اسٹیٹ سے لڑناچاہتے ہیں۔ انہوں نے یہ بھی کہا کہ آپ سیاسی جماعت سے ملٹری آرگنائزیشن بنانےکی طرف جارہے ہو، آپ ملک کوخانہ جنگی کی طرف لے جانا چاہتے ہو۔