کوئٹہ (پاک صحافت) بلاول بھٹو کا کہنا ہے کہ آپس کی لڑائیوں کے باعث عوام کا حکومتوں سے اعتماد اٹھتا جارہا ہے۔
تفصیلات کے مطابق پاکستان پیپلز پارٹی کے چیئرمین اور سابق وزیر داخلہ بلاول بھٹو نے کوئٹہ میں تقریب سے خطاب کرتے ہوئے کہا ہے کہ ہمیں عوام کا اعتماد بحال کرنا ہوگا، اگر جمہوری جماعتیں فیل ہوں گی تو کوئی اور قوت ہماری جگہ لے گی، ملک جس طریقے سے چل رہا ہے اس طریقے سے نہیں چلاسکتے، بلوچستان، سندھ، خیبرپختونخوا، پنجاب کے عوام میں احساس محرومی ہے۔
بلاول بھٹو کا مزید کہنا تھا کہ ہمیں پرانی نفرت، تقسیم والی سیاست بارے اب سوچنا پڑے گا۔ اسلام آباد میں بیٹھے بابو کو نہیں پتا مسائل کیا ہیں، بابو خود کام کرتے ہیں نا کسی کو کرنے دیتے ہیں، مسائل حل کرنے کے لیے اسلام آباد سے دور رہ کر آپ سے مشورہ کرنا پڑے گا۔
انہوں نے کہا کہ سنا ہے میاں صاحب جب تیسری دفعہ وزیراعظم بنے تو لوڈشیڈنگ ختم کردی تھی، اب کونسی لوڈشیڈنگ ہورہی ہے؟ انشاءاللہ سندھ، بلوچستان اور وفاق میں حکومت بناکر گرین انرجی پارکس بنائیں گے، غریب لوگوں کو 200 سے 300 یونٹ تک مفت بجلی فراہم کی جائے گی۔