پشاور (پاک صحافت) گورنر خیبرپختونخوا فیصل کریم کنڈی نے کہا ہے کہ 26ویں آئینی ترمیم کے بعد بشری بی بی اور بانی پی ٹی آئی کی بہنوں کو رہا کیا گیا ہے۔
تفصیلات کے مطابق گورنر ہاؤس پشاور میں میڈیا سے گفتگو میں فیصل کریم کنڈی نے کہا کہ بشری بی بی سیاسی سرگرمیوں میں حصہ لے رہی ہیں، انہیں چاہیے وہ چھپ کر نہیں بلکہ کھل کر سیاسی سرگرمیوں میں حصہ لیں۔ لگتا ہے بشری بی بی کارخانو یا پشاور کی دوسری بڑی مارکیٹ سے شاپنگ کرنے آئی ہیں۔
فیصل کریم کنڈی کا مزید کہنا تھا کہ پی ٹی آئی کے دوست کہتے ہیں کہ بشری بی بی سیاسی سرگرمیوں میں شریک نہیں لیکن وہ سیاست کر رہی ہیں۔ 26ویں آئینی ترمیم کے بعد بشریٰ بی بی اور بانی پی ٹی آئی کی بہنوں کو رہا کیا گیا۔
انہوں نے کہا کہ جو سرکاری وسائل ریاست کے خلاف استعمال ہوئے تھے وہ اب بھی پنجاب حکومت کے پاس ہیں۔
Short Link
Copied