اوورسیز پاکستانی ہمارے سروں کا تاج، ملکی معیشت میں ان کا اہم کردار ہے۔ عطا تارڑ

اسلام آباد (پاک صحافت) وفاقی وزیر اطلاعات عطا تارڑ نے کہا ہے کہ اوورسیز پاکستانی ہمارے سروں کا تاج ہیں، ملکی معیشت میں ان کا اہم کردار ہے۔

تفصیلات کے مطابق وفاقی دارالحکومت میں اوورسیز پاکستانی کنونشن سے گفتگو کرتے ہوئے عطا تارڑ نے کہا ہے کہ اوورسیز پاکستانی دنیا بھرمیں پاکستان کا نام روشن کر رہے ہیں، پاکستان میں اوورسیز پاکستانی کنونشن ہو رہا ہے۔

عطا تارڑ کا مزید کہنا تھا کہ کنونشن کا مقصد تارکین وطن کی خدمات کو سراہنا ہے، اوورسیزپاکستانی ہمارے سروں کا تاج ہیں، ان کا ملکی معیشت کی بہتری میں اہم کردارہے، وہ ہر سال اربوں ڈالر کی ترسیلات زر بھجواتے ہیں، اوورسیز پاکستانی ہماری شان ہیں۔

انہوں نے کہا کہ جب بھی کوئی اچھا کام ہوتا ہے تو سوشل میڈیا پر منفی خبریں پھیلائی جاتی ہے، پاکستان ٹیک آف کر رہا ہے، اڑان پاکستان منصوبے کے تحت پاکستان مزید ترقی کرے گا۔