اسلام آباد (پاک صحافت) وفاقی وزیر برائے اوورسیز پاکستانیز ساجد حسین طوری نے کہا ہے کہ بیرون ملک مقیم پاکستانی ملک کا قیمتی اثاثہ ہیں۔ وفاقی وزیر نے کہا کہ بیرون ملک مقیم پاکستانی ملک کا قیمتی اثاثہ ہیں، اوورسیز پاکستانیوں کی بھلائی کے لیے ہر ممکن اقدامات کیے جائیں گے۔
تفصیلات کے مطابق ساجد حسین طوری سے چیئرمین نادرا طارق ملک کی ملاقات ہوئی، ملاقات میں تارکین وطن کو نادرا کی طرف سے درپیش مسائل اور مشکلات کے حوالے سے تبادلہ خیال ہوا۔ اس موقع پر چیئرمین نادرا کا کہنا تھا کہ گزشتہ دور میں بیرون ملک کے بند کئے گئے سینٹرز دوبارہ بحال کر دیئے گئے ہیں۔
واضح رہے کہ ملاقات کے دوران چیئرمین نادرا نے مزید کہا کہ ادرا بیرون ملک مقیم پاکستانیوں کے لیے سہولیات میں وسعت پیدا کرے گی۔ خیال رہے کہ چیئرمین نادرا طارق ملک نے مسائل کے حل کیلئے ساجد حسین طوری کو اپنے مکمل تعاون کی یقین دہانی کرائی۔