paksahafat پاک صحافت
Related Articles
کراچی (پاک صحافت) گورنر سندھ کامران خان ٹیسوری نے سانگھڑ میں وڈیرے کی بربریت کا شکار ہونے والے اونٹنی کو دیکھنے شیلٹر ہوم کا دورہ کیا اور بلاول بھٹو سے اصل مجرموں کو گرفت میں لانے کا مطالبہ کردیا۔
تفصیلات کے مطابق کراچی میں شیلٹر ہوم میں اوٹنی کی دیکھ بھال کا جائزہ لینے کے بعد گورنر سندھ نے اتنظامات پر اطمینان اور منتظمین کا شکریہ ادا کیا۔ کامران ٹیسوری نے کہا کہ بلاول بھٹو کی ہدایت پر اونٹنی کو یہاں لایا گیا ہے۔ میں سندھ حکومت اور بلاول بھٹو سے کہوں گا کہ وہ اصل مجرموں کو بے نقاب کر کے قرار واقعی سزا دے۔
کامران ٹیسوری کا مزید کہنا تھا کہ اگر اسلامی اعتبار سے بات کی جائے تو پھر آنکھ کے بدلے آنکھ اور ٹانگ کے بدلے ٹانگ ہے۔ اگر اوٹنی کے ساتھ ظلم کرنے والے کو ہم سزا نہیں دیتے تو پھر آئندہ کوئی بھی شخص کھڑا ہو کر یہ گھناؤنا کام کرے گا۔
انہوں نے کہا کہ اس اونٹنی پر ہونے والے ظلم پر میں اللہ تعالی سے معافی کا طلب گار ہوں۔
