اسلام آباد (پاک صحافت) عرفان صدیقی کا کہنا ہے کہ امریکی قرارداد پی ٹی آئی کی کامیابی ہے۔
تفصیلات کے مطابق مسلم لیگ (ن) کے سینیٹر عرفان صدیقی نے کہا ہے کہ 2018 کے انتخابات میں ہمیں شکایات رہیں ہم امریکا یا ایوان نمائندگان کو قائل نہیں کرسکے۔ ہماری نااہلی، نالائقی یا ہم یہ سمجھتے تھے کہ گھر کے کپڑے گھر میں ہی دھونے چاہئیں۔
عرفان صدیقی کا مزید کہنا تھا کہ اس میں کوئی شک نہیں کہ امریکی قرارداد پی ٹی آئی کی کامیابی ہے۔ پی ٹی آئی نے ایوان نمائندگان کے 386 کے قریب ارکان کو باور کرایا یہ ان کی کامیابی ہے۔
انہوں نے کہا کہ لیکن کامیابی کیا ہے، اس قرارداد کو پاس کرانے میں ہے، جس نے ملک کےچہرے پر کالک تھوپی گئی ہے۔
Short Link
Copied