امریکا کی پاکستان میں مداخلت بہت گہری اور پرانی ہے۔ شمشاد احمد

اسلام آباد (پاک صحافت) سابق فارن سیکرٹری شمشاد احمد نے کہا ہے کہ امریکا کی پاکستان میں مداخلت بہت گہری اور پرانی ہے۔

تفصیلات کے مطابق شمشاد احمد نے کہا ہے کہ نائن الیون کے بعد جنرل مشرف امریکا کی آنکھ کا تارا بن گئے۔ ایٹمی دھماکوں کا کریڈٹ نوازشریف کو جاتا ہے، جنرل جہانگیر کرامت سمیت ان کی اپنی پارٹی کے لوگ ایٹمی دھماکے نہیں چاہتے تھے، جنرل جہانگیر کرامت نے کہا ہمیں اس کی قیمت ادا کرنا ہوگی۔ امریکا کی پاکستان میں مداخلت بہت گہری اور پرانی ہے، داعش کمانڈر کی حوالگی جیسے واقعات پاک امریکا تعلقات میں نئی بات نہیں ہے۔

ذرائع کے مطابق سابق فارن سیکرٹری شمشاد احمد نے ایک سوال کے جواب میں کہا کہ چکلالہ میٹنگ میں جنرل مشرف اور نوازشریف سرنڈر کرنے پر راضی تھے، چکلالہ میٹنگ میں یہ فیصلہ کیا گیا کہ ہم نے فوج واپس بلانی ہے۔ نوازشریف کو بتایا گیا کہ ہم نےانڈیا کو ایسی جگہ سے پکڑا ہے جہاں سے کوئی نہیں چھڑا سکتا، نوازشریف نے پوچھا سری نگر پہنچ جائیں گے؟ جنرل نے جواب دیا آپ کا نام تاریخ میں یاد رکھا جائے گا۔

انہوں نے کہا کہ بارہ اکتوبر کو ٹی وی پر دیکھا فوج نے مارشل لا لگا دیا، نوازشریف نے فون کال پر کہا شمشاد صاحب یہ آگئے ہیں، میں نے سعودی کراؤن پرنس کو پیغام بھیجا کہ نوازشریف کو کوئی نقصان نہ ہو، سعودی سفیر نے بتایا فکر نہ کریں میری کراؤن پرنس سے بات ہوگئی ہے۔

سابق فارن سیکرٹری کا مزید کہنا تھا کہ اکتوبر کو صبح 7 بجے مجھے جی ایچ کیو بلایا گیا، جی ایچ کیو پہنچنے پر کہا گیا کہ تین ماہ ہمارے ساتھ گزاریں، جنرل مشرف سے کہا کہ آپ کی قبولیت کے لیے ہمیں گلف ممالک کا دورہ کرنا ہوگا۔