لاہور (پاک صحافت) نائب امیر جماعت اسلامی لیاقت بلوچ نے کہا ہے کہ امریکا لاس اینجلس کی آگ کی تپش دیکھے اور غزہ کی قیامت کا احساس کرے۔
تفصیلات کے مطابق لیاقت بلوچ نے ایک بیان میں کہا ہے کہ ترسیلات زر میں اضافے کے باوجود عوام کو ریلیف نہیں مل رہا، حکومت کے معاشی ترقی کے دعوے کاغذی جمع تفریق ہیں۔
نائب امیر جماعت اسلامی کا مزید کہنا تھا کہ مہنگی بجلی اور بے جا ٹیکسز سے معیشت کا پہیہ جام ہے، بجلی گیس تیل کی قیمتیں ناقابل برداشت ہوگئی ہیں۔
انہوں نے کہا کہ پی آئی اے کو بیچنے کے بجائے پروفیشنل بنیادوں پر بحال کیا جائے، بیرون ملک پاکستانیوں کا اعتماد بحال ہونے سے اقتصادی ترقی ہوگی۔
Short Link
Copied