لندن (پاک صحافت) نواز شریف کا کہنا ہے کہ الیکشن کے لیے پارٹی کا بیانیہ نوجوانوں کو مدنظر رکھ کر بنایا جائے۔
تفصیلات کے مطابق مسلم لیگ ن نے انتخابی مہم شروع کرنے کا فیصلہ کرلیا اور اس سلسلے میں قائد ن لیگ نواز شریف نے انتخابی منشور کیلئے منشور کمیٹی تشکیل دینے کی ہدایت کر دی ہے۔ ان کا کہنا ہے کہ نوجوانوں کیلئے آسان قرضے، روزگار کے مواقع پیدا کرنے کا لائحہ عمل انتخابی بیانیے میں شامل کیا جائے۔
مسلم لیگ ن کے قائد میاں نواز شریف کا مزید کہنا ہے کہ ملک کو نقصان پہنچانے والی ایک سیاسی جماعت کی پالیسیوں کو عوام کے سامنے لایا جائے۔ دوسری جانب پنجاب اور خیبرپختونخوا میں انتخابی ٹکٹوں کے حوالے سے صوبائی صدور سے رپورٹ طلب کرلی گئی۔
Short Link
Copied