اسٹیبلشمنٹ نے ملک چلانا ،حکومت کو فل سپورٹ دے رہی ہے۔ طارق فضل چودھری

اسلام آباد (پاک صحافت) رہنما مسلم لیگ ن طارق فضل چودھری نے کہا ہے کہ اسٹیبلشمنٹ نے پاکستان کو چلانا ہے، حکومت کو فل سپورٹ دے رہی ہے۔

تفصیلات کے مطابق طارق فضل چودھری نے کہا ہے کہ فیصل واوڈا کی اس بات سے اتفاق کرتا ہوں، حکومت کو کسی اور سے خطرہ نہیں، حکومت کو اگر خطرہ ہے تو اپنے آپ سے ہے، حکومت کے پاس سوائے ڈیلیور کرنے کے کوئی راستہ نہیں۔

انہوں نے کہا کہ معاشی اعشاریے اچھے آ رہے ہیں، عوام کو ریلیف دینا ہوگا، اسٹیبلشمنٹ کسی کی رشتہ دار نہیں ہوتی، اسٹیبلشمنٹ نے پاکستان کو چلانا ہے جو حکومت کو فل سپورٹ دے رہی ہے، پاکستان کو سکیورٹی، معاشی، آئی ایم ایف سمیت سیریس چیلنجز کا سامنا ہے۔

طارق فضل چودھری نے مزید کہا کہ اسٹیبلشمنٹ کی شہبازشریف کو بھی بھرپور سپورٹ ہے، شہباز شریف دن رات محنت کر رہے ہیں، غلطی کی کوئی گنجائش نہیں ہے۔