نارووال (پاک صحافت) وفاقی وزیر منصوبہ بندی احسن اقبال نے تحریک انصاف (پی ٹی آئی) کے بانی کو وزیراعظم شہباز شریف کو خط لکھنے کا مشورہ دیدیا۔
ناروال کے مسلم گرلز کالج میں گفتگو کے دوران احسن اقبال نے کہا کہ اگر بانی پی ٹی آئی سنجیدہ ہیں اور اُن کے پاس تجاویز یا شکایات ہیں تو وزیراعظم کو خط لکھیں۔ انہوں نے کہا کہ بانی پی ٹی آئی کے خط کا جواب آرمی چیف نے خود دے دیا ہے، جو بھی سیاسی معاملات ہوں ان کا مرکزی ڈاک خانہ وزیراعظم کا دفتر ہوتا ہے۔
واضح رہے کہ وفاقی وزیر منصوبہ بندی نے مزید کہا کہ بانی پی ٹی آئی بار بار آرمی چیف کو خط لکھ کر فوج کو سیاست میں شامل کرنا چاہتے ہیں۔
Short Link
Copied