مظفرآباد (پاک صحافت) آزاد کشمیر قانون ساز اسمبلی نے حکومت کے مالی سال 25-2024 کے لیے 2 کھرب 64 ارب 3 کروڑ 30 لاکھ حجم کے تخمینہ بجٹ کی منظوری دے دی۔
تفصیلات کے مطابق آزادجموں و کشمیر قانون ساز اسمبلی کا اجلاس آج دن 2 بجے اسپیکر چوہدری لطیف اکبر کی صدارت میں ہوگا۔ گزشتہ شام قانون ساز اسمبلی نے مالی سال 2023/24 کے نظر ثانی میزانیہ ایک کھرب 90 ارب 93 کروڑ 50 لاکھ روپے اور مالی سال 25-2024 کے لیے 2 کھرب 64 ارب 3 کروڑ 30 لاکھ کے تخمینہ بجٹ کی منظوری دی ۔
بجٹ میں 220 ارب سے زائد غیر ترقیاتی اخراجات جبکہ 44 ارب ترقیاتی اخراجات شامل ہیں۔ وزیر خزانہ عبدالماجد خان نے فنانس بل 2024/25 ایوان میں پیش کیا جسے مجلس منتخبہ کے سپرد کر دیا گیا۔
اسپیکر نے قانون ساز اسمبلی کا اجلاس آج دن 2 بجے تک ملتوی کیا جبک قانون ساز اسمبلی آج فنانس بل کی منظوری دے گی۔