اسلام آباد (پاک صحافت) نئے آرمی چیف کی تعیناتی کے لیئے وزارت دفاع کی جانب سے سمری وزیر اعظم ہاؤس کو ارسال کر دی گئی۔ ذرائع کے مطابق وہ سمری وزیر اعظم ہاؤس کو موصول ہوچکی ہے۔ سرکاری ذرائع کے مطابق سمری میں آرمی چیف کے لئے پانچ نام شامل کیئے گئے ہیں۔
تفصیلات کے مطابق وزارت دفاع کی جانب سے موصول ہونے والی سمری میں پانچ نام تجویز کیئے گئے ہیں جن میں لیفٹیننٹ جنرل عاصم منیر ، لیفٹیننٹ جنرل ساہر شمشاد ، لیفٹیننٹ جنرل اظہر عباس، لیفٹیننٹ جنرل نعمان اور لیفٹیننٹ جنرل فیض حمید شامل ہیں ۔
واضح رہے کہ وزیر اعظم شہبازشریف نے اعلیٰ سطح اجلاس طلب کیا جو کہ شروع ہو چکاہے ، اجلاس میں وزیر دفاع خواجہ آصف ، وزیر داخلہ رانا ثناءاللہ ، وزیر قانون سردار ایاز صادق شریک ہیں ۔ سپہ سالار کی تعیناتی کا عمل منگل یا بدھ تک مکمل ہو جائے گا۔ خیال رہے کہ وزیراعظم شہبازشریف ایک نام کا اتنخاب کرنے کے بعد منظوری دیں گے، آرمی چیف کے ساتھ ہی جوائنٹ چیفس آف سٹاف، کی تعیناتی کی بھی کی جائے گی ۔