گوجرانوالہ (پاک صحافت) ن لیگی رہنما کیپٹن صفدر کا کہنا ہے کہ آج نواز شریف کے اعلامیہ اور ووٹ کو عزت ملی ہے۔
تفصیلات کے مطابق پاکستان مسلم لیگ (ن) کے رہنما کیپٹن (ر) صفدر نے گوجرانوالہ میں عدالت کے باہر میڈیا سے گفتگو کرتے ہوئے کہا ہے کہ نواز شریف نے ملک کو ایک ڈائریکشن دینے کا ارادہ کرلیا ہے۔ نواز شریف ووٹ کو عزت دو، آئین اور سویلین کی بالادستی چاہتے ہیں۔
واضح رہے کہ گوجرانوالہ کی عدالت نے مسلم لیگ ن کے رہنما کیپٹن ریٹائرڈ صفدر کو اشتعال انگیز تقاریر اور بغاوت کے مقدمے سے بری کر دیا ہے۔ گوجرانوالہ کے جوڈیشل مجسٹریٹ کی عدالت میں آج ان کے خلاف مقدمے کی سماعت ہوئی۔
کیپٹن (ر) صفدر کے خلاف مقدمہ اکتوبر 2020 میں درج کیا گیا تھا، ایف آئی آر میں اشتعال انگیز تقاریر اور بغاوت کی دفعات لگائی گئی ہیں۔