اسلام آباد (پاک صحافت) عالمی مالیاتی فنڈ (آئی ایم ایف) نے 10جولائی سے قبل بجلی اور گیس کی قیمتوں میں مزید اضافے کا مطالبہ کردیا۔
تفصیلات کے مطابق آئی ایم ایف چاہتا ہے کہ نئے مالی سال میں بجلی اور گیس کے ریٹ بڑھا کر سبسڈی کنٹرول کی جائے اور نئے قرض پروگرام کے لیے پیشگی شرائط پر عمل کیا جائے۔ امکان ہے کہ آئی ایم ایف کا وفد جولائی کے دوسرے ہفتے میں پاکستان آئے گا۔
دوسری جانب وزیر خزانہ محمد اورنگزیب کا کہنا ہے کہ آئندہ مالی سال کا بجٹ آئی ایم ایف کی ہدایت پر بنا ہے اور آگے قرض پروگرام کے لیے آئی ایم ایف سے معاہدہ جولائی میں ہوجائے گا۔ اس کے لیے آئی ایم ایف وفد کا پاکستان آنا ضروری نہیں۔
خیال رہے کہ ملک میں بجلی اور گیس کی قیمتوں میں مسلسل اضافہ جاری ہے، گزشتہ دنوں بھی گیس کی قیمتیں بڑھائی گئیں تھیں۔
Short Link
Copied