اسلام آباد (پاک صحافت) احسن اقبال کا کہنا ہے کہ آئی ایم ایف معاہدہ سے روپیہ مستحکم ہوگا اور بیرونی سرمایہ کاری آئے گی۔
تفصیلات کے مطابق وفاقی وزیر منصوبہ بندی احسن اقبال نے کہا ہے کہ آئی ایم ایف معاہدہ ہمارے معاشی چیلنجز کی مرہم پٹی ہے، اس فریم ورک میں ہمارے معاشی مسائل کا مستقل حل موجود ہے، معیشت کو مستقل بیرونی امداد کے چنگل سے نکالنے کے لئے محنت کرنا ہوگی۔
احسن اقبال کا مزید کہنا تھا کہ برآمدات، ڈیجیٹل پاکستان، آبی و خوراک کی سیکیورٹی، سستی توانائی اور مساویانہ و پائیدار ترقی قومی اہداف ہیں۔ 2035 تک پاکستان ون ٹری لین ڈالر اکانومی بن سکتا ہے، ہمارے نوجوان ایٹمی طاقت سے بڑی قوت ہیں۔
انہوں نے کہا کہ آئی ایم ایف معاہدہ سے روپیہ مستحکم ہوگا، بیرونی سرمایہ کاری آئے گی اور مہنگائی قابو میں آئے گی۔