اسلام آباد (پاک صحافت) وفاقی وزیر داخلہ محسن نقوی نے کہا ہے کہ چینی صدر شی جن پنگ سے ملاقات کرنا اعزاز کی بات ہے۔
تفصیلات کے مطابق سماجی رابطے کی ویب سائٹس ’’ایکس ‘‘ پر اپنے پیغام میں محسن نقوی نے کہا ہے کہ چینی صدر کے ساتھ پرتکلف عشائیے میں شرکت کی اور اُن کے ساتھ سکیورٹی کے معاملات پر تفصیلی گفتگو ہوئی۔
وزیرداخلہ نے کہا کہ دوران گفتگو شی جن پنگ کے ساتھ اہم سکیورٹی معاملات میں تعاون بڑھانےسمیت پاک چین سٹریٹجک شراکت زادی مزید مضبوط کرنے پر اتفاق ہوا۔
واضح رہے محسن نقوی صدر مملکت آصف علی زرداری کے پانچ روزہ دورہ چین کے دوران وفد میں شامل ہیں۔