paksahafat پاک صحافت
Related Articles
پشاور (پاک صحافت) اختیار ولی خان کا کہنا ہے کہ پی ٹی آئی ہٹ دھرمی سے باز نہ آئی تو پختونخوا میں ایمرجنسی لگ سکتی ہے۔
تفصیلات کے مطابق مسلم لیگ ن کے سینئر رہنما و ترجمان اختیار ولی خان نے کہا ہے کہ علی امین گنڈاپور کا کہنا تھا کہ اگر سرکاری وسائل کے ساتھ وفاق پر چڑھائی کریں گے تو منہ توڑ جواب کیلئے تیار رہیں، پی ٹی آئی تسلی رکھے احتجاجی ریلیوں اور جلسوں سے قیدی کو نہیں چھڑا سکتے۔
انہوں نے کہا کہ علی امین گنڈاپور کا کردار ایک وزیراعلی سے ایک منشی میں تبدیل ہوچکا ہے، پی ٹی آئی اس وقت مکمل طور پر ٹی ٹی پی میں تبدیل ہوچکی ہے، ریاست کی رِٹ قائم ہے، بلوائیوں کو بلوائیوں کی طرح ڈیل کیا جائے گا۔
انہوں نے مزید کہا کہ اگر پی ٹی آئی نے کے پی میں گورنر راج لگانے کی ٹھان لی ہے تو ہمیں کوئی اعتراض نہیں، اگر پی ٹی آئی ہٹ دھرمی سے باز نہ آئی تو پختونخوا میں ایمرجنسی کا نفاذ ہوسکتا ہے۔
