اسلام آباد (پاک صحافت) وفاقی وزیر اطلاعات عطا تارڑ نے کہا ہے کہ پی ٹی آئی والے اندرونی دھڑا بندی کو پارلیمنٹ کے کھاتے میں نہ ڈالیں۔
تفصیلات کے مطابق اسلام آباد میں پارلیمنٹ ہاؤس کے باہر گفتگو کرتے ہوئے عطا تارڑ نے کہا ہے کہ تحریک انصاف انتشار کا شکارہے، تحریک انصاف کے اندر چار گروپ ہیں جو لڑتے رہتے ہیں۔ آئینی ترمیم ایک تاریخی ڈاکیومنٹ ہے، آئینی ترمیم سے عوام کو فائدہ ہوگا، پی ٹی آئی کا ایک گروہ پارلیمنٹ کے اندر اور دوسرا باہر ہے، پی ٹی آئی والوں نے آئینی ترمیم کے مسودے پر مذاکرات کیے، لیکن انہوں نے کوئی تجویز پیش نہ کی۔
عطا تارڑ کا مزید کہنا تھا کہ 26ویں آئینی ترمیم کے لیے اتفاق رائے کی پوری کوشش کی گئی، پی ٹی آئی والے اپنی اندرونی دھڑا بندی کو پارلیمنٹ کے کھاتے میں نہ ڈالیں، انہوں نے پارلیمانی کمیٹی کے نام خود دیئے پھرخود ہی شریک نہیں ہوئے۔