(پاک صحافت) قومی اسمبلی کے حلقہ این اے241 سے پاکستان پیپلز پارٹی کے امیدوار مرزا اختیار بیگ کو الیکشن لڑنے کی مشروط اجازت دے دی گئی ہے۔
تفصیلات کے مطابق الیکشن ٹربیونل میں اس حوالے سے ہونے والی سماعت کے دوران جسٹس عدنان الکریم میمن نے کہا کہ اگر دہری شہریت ختم ہوچکی ہے تو بیان حلفی جمع کرائیں۔
واضح رہے کہ عدالت کی جانب سے کہا گیا ہے کہ اگر بیانِ حلفی غلط ثابت ہوا تو الیکشن جیتنے کے بعد کامیابی منسوخ ہو جائے گی۔ یاد رہے کہ ملک بھر میں عام انتخابات 8 فروری کو شیڈول ہیں۔