paksahafat پاک صحافت
Related Articles
اسلام آباد (پاک صحافت) قومی اسمبلی میں بجٹ کی منظوری کا عمل شروع ہوگیا ہے۔ ایوان میں مختلف وزارتوں اور ڈویژن کے مطالبات زر کی منظوری کا عمل جاری ہے۔
تفصیلات کے مطابق وزیراعظم شہباز شریف اور جے یو آئی کے سربراہ مولانا فضل الرحمان نے بھی قومی اسمبلی کے بجٹ اجلاس میں شرکت کی۔
اس کے علاوہ اپوزیشن کی کٹوتی کی تحاریک پر ایوان میں ووٹنگ کی گئی۔ کابینہ، اسٹیبلشمنٹ، قومی سلامتی ڈویژن کے 12 مطالبات زر پر کٹوتی کی 60 تحاریک مسترد ہوگئیں۔
41 ارب 70 کروڑ روپے سے زائد کے مطالبات زر پر کٹوتی کی تحاریک مسترد، جبکہ مطالبات منظور ہوگئے۔
جوہری توانائی کے لیے 19 ارب 26 کروڑ روپے سے زائد کا مطالبہ زر منظور ہوگیا۔ اس کے ساتھ ہی نیا پاکستان ہاؤسنگ اتھارٹی کے لیے ایک ارب 56 کروڑ روپے سے زائد کا مطالبہ زر منظور ہوگیا۔
Short Link
Copied
