paksahafat پاک صحافت
Related Articles
اسلام آباد (پاک صحافت) پاکستان فیڈرل یونین آف جرنلسٹ (پی ایف یو جے) نے میڈیا اتھارٹی سے متعلق وفاقی وزیر اطلاعات فواد چوہدری اور وفاقی وزیر فرخ حبیب کے بیانات پر شدید برہمی کا اظہار کرتے ہوئے کہا کہ دونوں وزراء پی ایم ڈی اے پر پی ایف یو جے کے موقف سے متعلق جعلی خبریں پھیلانے کے مشن پر ہیں۔
تفصیلات کےمطابق پی ایف یو جے کےصدر شہزادہ ذوالفقار اور جنرل سیکریٹری ناصرزیدی میڈیا اتھارٹی سے متعلق فواد چوہدری اور فرخ حبیب کے بیانات کی شدید مذمت کی، ان کا کہنا ہے کہ دونوں وزراء پی ایم ڈی اے پر پی ایف یو جے کے موقف سے متعلق جعلی خبریں پھیلانے کے مشن پر ہیں۔ اس موقع پر پی ایف یو جے کے صدر نے کہا کہ دونوں وزراء کا کام پریس کی آزادی، اظہار رائے کی آزادی کافروغ ہونا چاہیے،مگر یہ دونوں وزراء جعلی خبروں اور تیسرے درجے کے پروپیگنڈا حربوں کے ذرائع بن گئے ہیں۔
واض رہے کہ پی ایف یو جے کے سیکریٹری جنرل ناصر زیدی نے کہا کہ پی ایف یو جے میڈیا ڈویلپمنٹ اتھارٹی کو مسترد کرچکی ہے، ان کا کہنا تھا کہ دونوں وزراء اپنے ذاتی مفاد کی خاطرپی ایف یوجے کا نام استعمال کررہے ہیں، پی ایف یو جے میڈیااتھارٹی سےمتعلق اپنے تحفظات اور موقف کا اظہار کرچکی ہے۔ تاہم وزراء کا پی ایف یو جے کے نام پر جعلی صحافتی اداروں کا استعمال افسوسناک ہے۔
